Sandvíkurmær

!!!

2008-10-19T23:13:00.002+01:00

Ég fékk að gjöf frá ágætisvini mínum bók sem heitir: The more I see of men, the more I love my cat. Þeir sem þekkja mig vita væntanlega að ég er ekki mikil kattakona...

Og, þetta sem ég sagði um bílinn um daginn er greinilega rétt, það er alveg á hreinu að hann er eitthvað að skjóta sér í bifvélavirkjanum. Nú er framrúðan sprungin!!!

Blessaður bíllinn

2008-10-17T22:39:00.002+01:00

Ég er að spá í að fara fram á að fram fari rannsókn á fjármálum heimilisins og ætlast til að að bíllinn taki ábyrgð á 50faldri þennslu síðustu mánaða. Þarfasti þjónninn minn er held ég skotinn í bifvélavirkjanum og ég er búin að fara með hann á verkstæðið þrisvar sinnum á fjórum mánuðum til að láta dytta að honum.

Sundnámskeið

2008-10-02T21:00:00.002+01:00

Óðinn byrjaði á sundnámskeiði í dag. Við ætlum að fara í þessa tíma í hádeginu á fimmtudögum. Honum fannst alveg ótrúlega gaman og brosti bara hringinn allan tímann sem við vorum í lauginni. Mér fannst líka mjög gaman og líst vel á þessa tíma, kennarinn er mjög hress og skemmtileg stelpa, og krakkarnir gera allt sem hún biður um. Það eina sem mér finnst skrítið er að það eru ekki sér skiptiklefar fyriri konur og karla! Það fara allir inn á sama svæðið og svo eru litlir klefar þar inni sem maður fer inn í og skiptir yfir í sundfötin. Þá þarf maður að bera allt draslið að skápunum og svo er bara labbað beint út í laug ... það þvær sér enginn áður en þeir fara í laugina!!! Mér finnst það heldur subbó, verð bara að segja það. Svo er náttúrulega ekki hægt að þvo sér almennilega í sturtunum, því þær eru sameiginlegar líka!!! Ég fatta þetta bara engan veginn. Það væri minnsta mál að gera þetta að tveim aðskildum svæðum. En, þetta skiptir ekki máli. Mestu skiptir að Óðinn er rosalega ánægður með að fara í sund og ég er glöð að geta farið með honum ... þvæ mér bara vel þegar ég kem heim ;o)

Skólaskylda!

2008-10-01T22:20:00.002+01:00

Skólaskylda byrjar hér í Englandi skólaárið sem börn verða fimm ára. Ég fékk bréf frá skólayfirvöldum þess efnis að nú skyldi ég velja skóla fyrir Óðinn og að umsóknarfrestur sé 16. október. Þetta er allt mjög flókið og ég er nú með lista af skólum sem eru frá 0.8 - 1.4 mílna fjarlægð frá húsinu sem við búum í, þar þarf ég að fara í heimsókn á opna daga og hlusta á hvers vegna ég skuli velja þennan skóla en ekki hinn. Þeir taka inn nemendur í tveimur hópum og Óðinn byrjar í janúar 2010. Ég fór í fyrstu heimsóknina í morgun og leist bara ágætlega á skólann, krakkarnir virtust kát og sátu voða stillt í tímunum. Ég á eftir að fara í fimm skóla í viðbót, svo það verður spennandi að sjá hvort það sé einhver munur á þeim.

Það er fyrsti í sundnámskeiði hjá okkur mæðginum í hádeginu á morgun :)

Helgin

2008-09-29T22:11:00.002+01:00

Það var mjög gott veður um helgina og við mæðgin nutum þess í botn. Óðinn er orðinn mjög skæður á hjólinu sínu og ég hleyp sveitt á eftir honum. Við tókum því bara rólega, fórum í hjóla/hlaupatúra, slógum grasið í garðinum og fórum til Ashridge í gönguferð um skóginn. Óðinn er á algjöru klifurskeiði þessa dagana og ég þurfti að elta hann upp um allt til að passa að hann færi sér ekki að voða. Hann var líka mjög stoltur að geta kennt mér að hoppa á einum fæti! Mjög gaman.

Hvað er klukkan?

2008-09-09T22:26:00.002+01:00

Óðinn kom upp í rúm til mín í morgun klukkan sex. Ég var að reyna að sannfæra hann um að það ætti alls ekki að fara á fætur fyrr en í fyrsta lagi klukkan sjö, svo hann sneri bara vekjaraklukkunni á hvolf og þá var hún orðin níu! Honum fannst þetta rosalega fyndið - og mér reyndar líka, þó ég sé engin brandarakelling svona snemma á morgnana.

Annars er ég nýkomin heim. Fór í mæðraorlofshelgarferð til Íslands, hitti líffræðigengið, fór á þátíðarhitting með gamla gagnfræðaskólaárgangnum mínum og hitti fjölskylduna í mýflugumynd. Þetta var ótrúlega skemmtileg ferð, gaman að hitta gamla vini og nýja.

Handbolti og PCR

2008-08-24T22:57:00.002+01:00

Halló halló, ég er á lífi ... og rúmlega það eftir að hafa vaknað í morgun til að horfa á handboltann. Þetta var kannski ekki skemmtilegasti handboltaleikur sem ég gef séð, var alveg búin að gleyma hvað það er gaman að horfa á handbolta, en magnað hjá strákunum að vinna silfrið. Ég er ekki viss um að það sé manni hollt að lenda í svona geðshræringu snemma morguns!

Óðinn er hjá pabba sínum um helgina, svo ég skellti mér í vinnuna af gömlum vana og var þar að slást við PCR maskínuna þar til klukkan níu í kvöld. Ég held ég hafi náð áfangasigri í þeirri viðureign, eða vona það allavega. Fyrir þá sem ekki vita hvað PCR er, þá bara skiptir það engu máli, nægir að segja að það tekur langan tíma og virkar ekki alltaf sem skildi ;o)

Pólskt súkkulaði og skrímsli

2008-07-31T20:27:00.003+01:00

Ég er mætt aftur til Englands og tók með mér Prince Polo til að gefa vinnufélögunum. Þetta var aðallega gert vegna þess að einn úr vinnuhópnum er pólskur og honum finnst mjög fyndið að Prince Polo sé til á Íslandi.

Hann bætti síðan um betur og lét bróður sinn koma með "Grzeski" handa mér, sem er eiginlega betri útgáfa af Prince Polo. Alveg eðal súkkulaði, gæti alveg torgað heilum kassa.

Óðinn er með skrímslaæði þessa dagana, sem er í góðu lagi, nema fyrir það að hann er viss um að það séu skrímsli í skápum og undir rúmi þegar hann fer að sofa ...

Mömmuklúbbur

2008-07-03T22:15:00.002+01:00

Við Óðinn erum að fara í afmælishitting í mömmuklúbbnum mínum á morgun. Krakkarnir eru allir að verða þriggja ára í júní og júlí. Við ætlum að fara með þau í boltaland og síðan koma allir heim til okkar. Ég verð að sjálfsögðu með miklar veitingar í boði, skrapp í Sainsbury´s áðan og keypti upp kökubirgðirnar þeirra ;-)

2008-07-02T22:58:00.002+01:00

Úff, rosalega er langt síðan ég skrifaði eitthvað. Það er búið að vera mikið um að vera. Auður kom í heimsókn eina helgi. Við náðum aðeins að kíkja í búðir frænkurnar, það gekk alveg ágætlega hjá okkur ;) Stuttu seinna kom mamma, og pabbi þar á eftir. Þau héldu heimili fyrir mig í 10 daga. Það var algjör lúxus, maturinn tilbúinn þegar við Óðinn komum heim á daginn og sjálfvirkur uppvaskari (mamma) og garðyrkjumaður (pabbi). Ég er að spá í að flytja þau bara inn.

Það er líka fjör í náminu að vanda. Allar tilraunir í gangi í einu og ég á eftir að enda eins og vísindamaðurinn í "Back to the Future" með hárið út um allt og kannski yfirvaraskegg líka, hver veit. Bilun. Svo voru skólaheimsóknir um daginn. Við fórum með krakkana í pödduleit. Það var alveg frábært, þau voru svo áhugasöm.

Óðinn hlakkar mikið til afmælisins síns og talar endalaust um hvenær hann verði þriggja ára. Stór strákur!

Frægð og frami ;o)

2008-06-17T13:48:00.002+01:00

Það er mynd af mér á fréttasíðu Porter Alliance og í nýja bæklingnum þeirra. Þetta eru samstarfsaðilar okkar, en þeir hafa samt ekkert með verkefnið mitt að gera - og ég hef ekki hugmynd afhverju þeir settu mynd af mér... held það hafi verið af því að ljósmyndarinn var svo ánægður með rauðu peysuna mína sem mótvægi við græn laufin á trjánum. Mjög vísindalegt allt saman.

Afmælisplön og fleira

2008-06-16T23:52:00.003+01:00

Ég er búin að sitja við boðskortaskriftir í kvöld. Ég ætla að halda upp á afmælið hans Óðins 13. júlí og nú eru allir beðnir að biðja til veðurfræðinganna um sól og gott veður! Planið er að vera með liðið úti í garði, leigja hoppukastala, fara í kónga og aðra leiki. Það var frekar erfitt að takmarka gestalistann, svo þetta verða kannski of margir, en það hlýtur að reddast ... vona bara að það rigni ekki, því það er ekki pláss fyrir alla inni hjá okkur. Óðinn er mjög spenntur og talar um afmælið sitt á hverjum degi. Nú verð ég að standa mig og byrja að eyða brenninettlum úr garðinum og merkja kanínuholurnar, svo fólk hrynji ekki ofan í þær!

Óðinn er mikill athafnamaður og var alls ekki á því að við ættum að vera neitt inni við í dag, því við þyrftum sko að vinna í garðinum - "because it´s not growing properly!". Ég verð að segja að ræktin í garðinum er svo góð að ég heyri "blessað" grasið vaxa, að ekki sé talað um arfann út um allt. Hann er líka búinn að suða svo lengi um að við setjum upp matardall fyrir fuglana, að ég lét það loksins eftir honum í dag. Svo stóð hann fyrir neðan greyjið og kallaði hástöfum á fuglana að hann væri búinn að setja út hádegismat fyrir þá, en skildi svo ekkert í að þeir flokkuðust ekki til hans.

Það er líka búið að vera nóg að gera undanfarið og gaman. Auður kíkti í heimsókn um helgina, og við áttum góða daga saman frænkurnar. Svo er mamma að koma á miðvikudaginn og pabbi væntanlegur fljótlega á eftir henni. Alltaf nóg að gera og skemmtilegt í Álmkoti!

2008-06-10T22:04:00.002+01:00

Hér er búin að vera alveg ótrúleg blíða síðan á föstudag, ég er búin að draga fram sumarfötin og þurfti að slást við að slá blettinn líka. Grasið náði í mitti (á Óðni) og ég held ég hafi gert útaf við sláttuvélina...

Annars er það helst að frétta að Óðinn datt niður stigann á föstudagskvöldið, frá toppi og alla leið niður. Þetta leit mjög illa út, þar sem hann fór með höfuðið á undan, en hann slapp nokkuð heill frá þessu. Við fórum upp á slysó til að láta athuga hvort það væri allt í lagi. Honum fannst það mjög spennandi, en mér fannst það síður, föstudagskvöld á slysavarðstofum eru ekki fyrir börn! Þegar ég fór að ræða þessar ófarir við vini og kunningja, þá er þetta eitt það algengasta sem börn (og fullorðnir) slasa sig á hér, enda stigar í flestum húsum í Bretlandi. Allavega, þá verða hliðin áfram fyrir stiganum hjá okkur og Óðinn fær ekki lengur að fara einn upp og niður.

Já og ég er líka loksins búin að bóka sumarfríið. Við komum heim 15. júlí og verðum í tvær vikur!

Fiðrildi

2008-06-05T23:13:00.004+01:00

Við Óðinn rekum fiðrildagildru í garðinum þessa vikuna. Þetta er ljósgildra sem fiðrildin (moths) safnast að yfir nóttina og við tökum þau lifandi og setjum í búr. Það stendur yfir svokölluð "smádýravika" í vinnunni, en þá koma skólahópar að hitta vísindamenn/konur og við förum með þau í víðavangsferðir, þar sem við söfnum hryggleysingjum fyrir þau að skoða. Við erum líka með stórt búr sem þau fá að fara inn í og þar eru fiðrildin sem við Óðinn söfnum. Þetta hefur gengið alveg stórvel hjá okkur, Óðinn er mikill veiðimaður. Það varð reyndar smá óhapp fyrsta morguninn, ég var alveg að verða búin að tæma gildruna þegar Óðinn fór að segja mér frá fljúgandi "býflugum" ... hann hafði opnað búrið og hálfur fengurinn hafði sloppið! En hann er mjög passasamur með þetta síðan þá og veit alveg hvernig á að fara að þessu - og þekkir muninn á býflugum og fiðrildum!!!

Hérna er strákurinn mjög stoltur með litla búrið við hliðina á ljósgildrunni.

Jarðskjálfti

2008-05-29T22:22:00.002+01:00

Ég sá á netinu í dag að það hafi orðið annar Suðurlandsskjálfti. Þó það hafi verið tekið fram að engin stórslys hafi orðið á fólki, þá fannst mér óþægilegt að vera svona langt í burtu, sérstaklega þar sem upptökin voru á mínum heimaslóðum. Ég er búin að heyra í og af fjölskyldunni og veit að þar eru allir heilir. Vona að allir hafi það sem best.

Tónlist í rigningu

2008-05-28T16:02:00.004+01:00

Ég var í úti á túni að leita að blaðlúsum í dag með spilarann í eyrunum að venju og komst að því að Edith Piaf er flott á svona degi. Það er allt grátt og svona úði sem kemst allstaðar inn undir. Sem betur fer var ég með linsur, því gleraugu virka engan veginn í svona úða. En allavega, þá var Piaf góður félagi í rigningunni.

Skýrslan

2008-05-27T14:58:00.003+01:00

Skýrslan um ágengu tegundirnar og flokkunarfræði er komin út á netinu: Invasive species management: what taxonomic support is needed? Hún er gefin út af Global Invasive Species Programme.

Setti slóðina inn svo þið getið lesið hana ykkur til dundurs...

Aberdeen

2008-05-23T23:57:00.002+01:00

Ég var að koma heim af ráðstefnu í Aberdeen. Ég hafði ekki farið svo norðarlega í Skotlandi áður og mér fannst ég vera komin hálfa leiðina heim til Íslands. Það var mjög kunnuglegt að vakna við mávagarg og köll í tjaldi, finna sjávarloftið, nú og svo var líka kaldara og meira rok alveg eins og heima. Ráðstefnan var mjög fín, það voru 38 fyrirlestrar á einum og hálfum degi, svo ég er vel þreytt núna. Fyrirlesturinn gekk alveg ágætlega, ég fékk nokkrar góðar spurningar og svo voru ágætis umræður um verkefnið mitt seinna.

Borgin var allt í lagi, fallegur granítsteinn í húsunum, en niðri við höfnina var mikið af sjóarakrám og ég er ekki viss um að ég myndi labba þar um eftir myrkur. Ráðstefnuhaldarar fóru með okkur að Dunnottar, mjög fallegum kastala, þar sem við gengum um í um klukkutíma og fórum síðan á veitingastað í sjávarbæ sem heitir Stonehaven.

Þetta var mjög fín ferð og ég hitti mikið af góðu fólki, en ég hlakka líka mikið til að fara og ná í Óðinn í fyrramálið, er búin að sakna hans óendanlega.

Chelsea Flower Show

2008-05-20T22:44:00.002+01:00

Ég var að vinna á standinum okkar á Chelsea Flower Show í dag. Okkar standur er partur af símenntunarhluta sýningarinnar og það var mikið af fólki sem kom og talaði við okkur, bæði um víðitrén og vísindin, svo það var mjög gaman. Það er aðallega áhugafólk um garðrækt sem sækir sýninguna, en fólk kemur allstaðar að úr heiminum. Fólk er orðið mjög meðvitað um græna orku og margir farnir að huga að því að verða sjálfbærir með orku fyrir heimilin.

Svo spillti ekki að standurinn fékk "Gull", sem er hæsta einkun sem dómararnir gefa :)

Kíkið á slóðina hérna: Chelsea Flower Show þar sem er mynd af standinum og á listann yfir verðlaunahafa (við erum undir "Continuous learning").

Skýrsla

2008-05-17T10:45:00.002+01:00

Ég fékk símtal í gær frá fyrrverandi vinnuveitanda. Hann var að segja mér að skýrsla sem ég skrifaði fyrir um tveimur árum á að koma út á mánudaginn. Ég var alveg búin að gefa upp von með að hún yrði nokkurn tímann birt, svo ég er að sjálfsögðu mjög kát með þetta.

Annars er ekkert merkilegt að gerast þessa helgina. Ég er í vinnunni að undirbúa fyrir Chelsea Flower Show, þar sem grúppan er með stóran stand um víði og "græna orku". Við erum að kynna rannsóknirnar sem við erum að gera og það verða m.a. búr með blaðlúsum til að sýna fólki. Drottningin labbar víst um svæðið á mánudaginn (sýningin opnar fyrir almenningi á þriðjudaginn), og ég vil endilega að kella sjái gæludýrin mín ;)

Það er hópur úr vinnunni að fara á indverskan veitingastað í kvöld, svo ég skelli mér kannski með ... fer eftir hvenær ég klára á labbanum ...

Takk takk

2008-05-14T22:40:00.002+01:00

Takk fyrir afmæliskveðjurnar, bæði hér, í símanum og tölvupóstana.

Ég eyddi sjálfum afmælisdeginum á tölfræðikúrsi. Fyrir þá sem ekki vita, þá eru líffræðingar haldnir mikilli tölfræðiskelfingu og þetta þóttu hræðileg örlög. Samnemendur mínir á kúrsinum keyptu handa mér köku með afmæliskertum og blómvönd, til að gera daginn þolanlegri. En, kúrsinn var alveg ótrúlega góður og ég þykist vera orðin mikið tölfræðiséni núna ;)

Gaman gaman

2008-05-11T22:23:00.006+01:00

Helgin er búin að vera alveg yndisleg, glampandi sól og steikjandi hiti. Við tókum því rólega í gær mæðginin og áttum langþráðan "fjölskyldudag" þar sem við kíktum í búðina, lékum okkur í garðinum, fórum í göngutúra, út að hjóla og bökuðum krispies kökur fyrir Óðinn. Það er svo gaman að honum, hann þarf að spá í öllu og talar út í eitt.

Í dag hélt ég smá afmælisveislu í tilefni af því að ég verð 29 ára á þriðjudaginn ;-) Ég útbjó íslenskt afmælishlaðborð, með brauðréttum, brauðtertum, ostum og tertum. Emily vinkona mín kom með afmælisköku og útbjó sérstakan afmælisdrykk með mangó og kampavíni. Þetta var mjög skemmtilegt og við eyddum öllum eftirmiðdeginum í garðinum í 25°C og stillu, sögðum brandara, spiluðum fótbolta og frisbí við krakkana og endurnýjuðum sólarvörnina reglulega.

Skál :)

Enn ein vinnuhelgin...

2008-05-04T15:35:00.002+01:00

Jebb, ég er á labbanum þessa helgina. Þetta er meira að segja löng helgi hjá okkur, þar sem 1. maí frídagurinn er færður fram á mánudag. Það gengur aðeins betur en fyrr í vikunni, þegar allt var í uppnámi í vinnunni hjá mér vegna blaðlúsavandamála. Blaðlýsnar eru enn á trjánum, svo ég þurfti að snúa mér að öðru, þangað til það leysist. Nú er ég að vinna í stofnerfðafræði og það er bara mjög spennandi ... allavega á meðan vel gengur.

Óðinn er hjá pabba sínum um helgina, en ég heyrði í honum í síma áðan. Hann var að koma úr afmæli hjá Sam, vini sínum, og ég fékk nákvæmar lýsingar á veislunni og nammipokanum sem hann fékk þegar hann fór heim (hér fá krakkar alltaf lítinn poka með nammi og dóti á leiðinni heim úr afmælum). Nú fer ég að verða stressuð yfir afmælinu hans Óðins! Í þessu afmæli var hoppukastali og allskonar leikir. Það fer að verða spurning um að flytja Siggu systir inn til að redda þessu fyrir mig!!!

Baby Christmas

2008-05-01T22:32:00.003+01:00

Óðinn fann í kvöld dót sem Kristófer litli frændi hans hafði leikið sér með þegar þau voru hérna um páskana og hafði miklar áhyggjur af því að "baby Christmas" (hann getur ekki sagt Kristófer og kallar hann bara jól í staðinn) hefði ekki dótið hjá sér á Íslandi.

Mikill bömmer!

2008-04-28T21:34:00.003+01:00

Ég mætti galvösk í vinnuna í morgun, en hefði betur sleppt því. Ég var varla búin að kveikja á tölvunni þegar ég frétti að víðitrén mín í gróðurhúsunum væru orðin loðin af blaðlúsum. Þetta er ekki gott því, a) þetta eru ekki "mínar" blaðlýs, heldur önnur tegund; b) nú get ég ekki notað trén í tilraunirnar, því þetta hefur áhrif á niðurstöðurnar og c) það tekur þrjá/fjóra mánuði að ný tré verði orðin nógu stór til að ég geti byrjað aftur.

Það er allur dagurinn búinn að fara í að reyna að finna lausn á þessu máli. Það þýðir ekkert að gráta Víði bónda alltof lengi (þó mig langaði mest að fara bara að skæla í morgun, var búin að plana stífa tilraunaviku) og það verður að redda þessu einhvernveginn. Það gæti verið komin hlutalausn í málið, svo ég geti haldið áfram, en ég kem samt til með að þurfa að endurtaka tilraunina :(

Helgin var mjög fín. Við Óðinn fórum í heimsókn til Kelly, Daegan og Theo á laugardaginn og komum tilbaka í gær. Það var alveg yndislegt veður á laugardeginum og við eyddum honum í garðinum hjá þeim, tíndum rabbabara í pæ og höfðum það notalegt.

Brussel

2008-04-22T20:35:00.002+01:00

Ég fór í heimsókn til Kristrúnar frænku minnar í Brussel og átti þar alveg frábæra helgi. Það var mikið borðað, drukkið og spjallað fram á nætur.

Ég ætlaði að setja inn myndir, en það gengur ekki í augnablikinu, svo ég læt bara nægja í bili að segja að þetta var alveg stórskemmtileg ferð.

Það var minna gaman að koma aftur í stressið í vinnunni... en það stendur til bóta ;)

Duglegur strákur... + matur og meiri matur!

2008-04-14T21:11:00.005+01:00

Óðinn tók upp á því í síðustu viku að smyrja rassakremi á sjónvarpið - afþví að það meiddi sig einhver í sjónvarpinu...! Grrr, það tók mig allt kvöldið að þrífa eftir hann og það er ennþá fituskán á sjónvarpinu. Þetta var samt mjög fagmannlega gert hjá honum.

Helgin var mjög fín, við vorum með gesti í hádegismat á laugardaginn. Það var vinur hans Óðins úr leikskólanum og foreldrar hans, þau vinna með mér. Við átum ótæpilega af kjúkling og fórum svo í góðan göngutúr og eyddum eftirmiðdeginum í að spjalla og hafa það notalegt. Strákarnir voru mjög glaðir að hittast líka og drógu fram allt dótið hans Óðins til að leika með, það var mjög gaman að fylgjast með þeim.

Óðinn hjálpaði mér líka að baka kryddbrauð fyrir alþjóðlega hlaðborðið í vinnunni. Það tókst bara ágætlega, brann allavega ekki við - og það veit enginn að það var ekki alveg jafn gott og hjá mömmu. Þetta var mikil veisla, við Óðinn smökkuðum á öllu. Honum fannst kúbverskt pastasalat best, en mér baunastappa frá Ghana með steiktum banönum. Namm.

Þetta er annað árið sem ég hef farið á hlaðborðið og ég ætla aftur á næsta ári. Það var mikið rætt um að fólk þyrfti að gefa upp uppskriftir af réttunum, því þeir voru hver öðrum gómsætari.

Strumpur?

2008-04-08T22:43:00.007+01:00

Ég fór að dæmi Maríu vinkonu minnar og tók strumpaprófið. Er ekki alveg viss um að strumpapersónuleikinn minn eigi við í veruleikanum (vil allavega ekki kannast við að vera "moody" hahaha), en ég læt öðrum eftir að dæma það... ;)

Hjálp!!!

2008-04-08T14:46:00.003+01:00

Á sunnudaginn er aftur komið að alþjóðlega deginum þar sem fólk á að koma með eitthvað matarkyns frá sínu heimalandi. Í fyrra reyndi ég að baka kanilsnúða, en þeir misheppnuðust aðeins og voru eins og apalhraun undir tönn, svo ég fór ekki með þá. Ég tók þá í staðinn með mér smá söl og harðfisk, sem vöktu meiri athygli en lukku, svo ég get ekki gert það aftur.

Getur einhver gefið mér uppástungu að einhverju matarkyns sem ég get búið til og farið með. Nota bene, það má ekki vera mjög flókið, þá fer allt í kerfi hjá mér ;)

Bíóferð

2008-04-07T14:19:00.002+01:00

Ég skrapp í bíó í gærkvöldi, sem er kannski ekki í frásögur færandi, nema af því að ég fór í mjög skemmtilegt bíó.

http://www.therexcinema.com/

The Rex er í Berkhamsted og var gert upp fyrir nokkrum árum. Það er alltaf uppselt á sýningarnar hjá þeim, svo við vorum mjög heppnar að fá miða í gær. Aðalatriðið er nefnilega að maður situr í rauðum flauelsklæddum stólum við borð með kertaljósi. Það er bar og hægt að panta sér vín og osta, og það eru þjónar sem koma með þetta til manns. Algjör lúxus. Svona eiga bíó sko að vera! Annars var myndin ekkert spes, Ekki snerta öxina (Ne touches pas la hache), frönsk mynd sem var vægast sagt langdregin og pínu tilgerðarleg. En það gerði ekkert til í svona fallegu umhverfi :)

Takk fyrir commentin, alltaf gaman að heyra frá ykkur. Sendi þér póst við tækifæri Randý - Óðinn minn á líka afmæli 13. júlí.

Fyrsta fótboltaæfingin

2008-04-06T12:34:00.003+01:00

Óðinn fór á fyrstu fótboltaæfinguna sína í gær. Hann var ótrúlega sætur í búningnum sínum og fannst mjög gaman, þó hann væri pínu feiminn til að byrja með.

Myndir

2008-04-02T22:07:00.004+01:00

Strákarnir fengu að fara út að hjóla í rigningunni, Harvey, Simon og Óðinn.

Það var mikið fjör að blása í ýlurnar. Mandy með Hönnu litlu, Harvey og Óðinn.

Við hittum farfugla í St. Albans á sunnudaginn. Kelly, Wayne, Auður og Biggi afmælisbarn. Biggi átti afmæli, held hann hafi orðið 23 ára! Er eiginlega alveg viss :)

Gestagangur

2008-03-31T22:01:00.004+01:00

Við fengum fullt af gestum um helgina. Auður var á landinu og kíkti á föstudagskvöldið. Það var frábært að hitta hana og ég verð að segja að ég sakna þess mikið að hafa þau í St. Albans. En, þau eru ánægð á Íslandinu góða, svo ég er að sjálfsögðu ánægð fyrir þeirra hönd (þó sjálfselskupúkinn segi að það væri nú betra að hafa þau hérna...).

Á laugardaginn komu Mandy og Simon með krakkana frá Manchester. Harvey, strákurinn þeirra, og Óðinn eru góðir félagar og léku sér vel saman, fyrir utan nokkra árekstra þar sem báðir vildu leika með sama dótið. Hannah, litla stelpan þeirra er 5 mánaða og algjört krútt. Hún bara brosti og var glöð, þessi elska. Við eyddum laugardegi og fyrriparti af sunnudegi í að borða, drekka, og borða meira. Það þurfti líka að viðra rokið úr nefinu á strákunum, svo við fórum með þá út á hjólunum. Óðni tókst að detta í stóran poll og var alveg gegnblautur, þetta var mjög flott fall, hann flaug alveg af hjólinu.

Við Óðinn kíktum síðan á kránna að hitta Auði, Bigga, Wayne og Kelly þegar Manchesterfjölskyldan var farin á sunnudaginn. Biggi átti afmæli og fékk þetta líka fína afmælisveður, sól og blíðu! Um kvöldið komu síðan vinnufélagar í heimsókn til að baka með mér köku fyrir góðgerðasöfnun í vinnunni í dag. Mín kaka brann reyndar upp til agna ... ég baka víst bara vandræði, eins og pabbi sagði einhverntíma ;-)

Páskar

2008-03-26T22:29:00.011Z

Það var mikið fjör um páskana, þrátt fyrir versta páskaveður í Englandi í manna minnum. Sigga og fjölskylda komu til okkar og voru í tíu daga. Það var mikið brallað og alltaf nóg um að vera, enda fjögur börn á heimilinu... Reyndar getur Guðrún Sunna varla kallast barn lengur og hún er líka svo þæg og góð ;)

Við fórum og hittum Tomma togvagn og félaga á föstudaginn. Það var alveg ískalt og brjálað rok, en við létum okkur hafa það. Óðinn var ekki í besta skapi og tók flotta aríu á veitingastaðnum, en honum fannst mjög gaman eftirá. Þarna var líka alveg afpsyrnulélegur töframaður með sýningu, verst að hafa ekki tekið mynd af kallinum, hann var alveg í sérflokki!

Við fengum okkur rúnt í Tomma togvagni. Hann fór nú ekki langt, bara fram og tilbaka, ca 500 metra eða svo í beina línu. En, það var farið tvær ferðir með okkur, svo þetta tók nú alveg korter og það var allavega logn inni í vagninum.

Við fórum í boltaland á laugardaginn. Þórhildur og Óðinn hlupu strax í sitthvora áttina og það þurfti þrjá fullorðna til að fylgja þeim eftir. Kristófer fékk að fara í boltapyttinn og við fórum öll nokkrar bunur í rennibrautinni.

Við áttum notalegan páskadag. Það snjóaði meira og minna allan daginn. Krakkarnir (nema Kristófer) fengu páskaegg í morgunmat. Óðinn vissi ekki alveg hvað var að gerast, enda man hann ekkert eftir síðustu páskum, en hann var ótrúlega ánægður með páskaeggin sín. Við fengum okkur göngutúr niður í bæ. Það var markaður í bænum og svo fengu krakkarnir að leika sér smá á róló á leiðinni heim.

Sumir voru síðan mjög þreyttir eftir allt súkkulaðiátið og leikina...

En svo var kominn tími fyrir stórfjölskylduna að fara aftur heim til Íslands og þá hófst púsluspil við að pakka niður í töskurnar...

...en það hófst nú allt og svo lögðu þau af stað á fína bílnum.

Það var mjög tómlegt í Álmkoti í kvöld, við Óðinn vorum bara tvö að borða kvöldmatinn. Hann talar endalaust um að fara í flugvélina og heimsækja langamömmu. Það verður reyndar áfram gestkvæmt hjá okkur, því Auður ætlar að kíkja á föstudaginn og svo koma Mandy og Simon með krakkana og verða um helgina.

Viva

2008-03-19T20:56:00.002Z

Prófið gekk bara mjög vel á mánudaginn. Það voru engar hræðilegar spurningar og engar meiriháttar athugasemdir, þannig að ég held bara áfram við verkefnið. Alveg brilliant.

Sigga sys og fjölskylda eru komin í heimsókn. Þau eru búin að skoða búðirnar vel. Svo er mikið planað um helgina, en það verður samt að skoða hvað gerist með veðrið, það spáir snjókomu!

Dómsdagur á morgun!

2008-03-16T11:04:00.003Z

Jæja, þá nálgast munnlega prófið. Ég hef verið að undirbúa mig um helgina, en það er ómögulegt að segja hversu erfitt prófið verður, það fer sennilega eftir því hversu gott vald ég hef á efninu...

Það er dagur St. Patricks á morgun, en hann er írskur dýrlingur, sem á að hafa dáið 17. mars. Það er mikið um hátíðarhöld af þessu tilefni og ég kíkti í eitt slíkt hóf í gærkvöldi. Dagurinn markast mikið af því að írar og vinir þeirra fagna og grænn litur er stór partur af því. Í veislunni í gærkvöldi voru allir beðnir um að vera í einhverju grænu. Þetta var stórskemmtilegt og mjög fyndið að sjá hvaða vænu grænu hluti fólk kom með. Það var t.d. nokkuð um græna kjóla, hárkollur, andlitsmálningu og allskonar aukahluti. Ég set kannski inn myndir frá partýinu við tækifæri. St. Patricks dagurinn er annars tengdur trúnni og er beðið fyrir trúboðum um allan heim. Þetta er líka dagur andlegrar endurnýjunar, ég vona bara að það eigi við í mínu tilfelli og að það komi rólegri tíð eftir daginn á morgun.

Annars rignir eldi og brennisteini hér í dag. Ég þurfti nánast gúmbát til að komast út úr húsi. Þetta er reyndar ágætt, ég var að spá í að vinna aðeins í garðinum, en því var aflýst sjálfkrafa vegna veðurs :)

Sigga sys og fjölskylda koma á morgun. Það spáir sem betur fer góðu veðri næstu þrjá daga, en það verður víst aðeins kaldara, eða um 10°C. Þau ættu nú vonandi að lifa það af, enda öllu vön að heiman ;)

Einangrun lokið!

2008-03-12T23:10:00.002Z

Jæja, við Óðinn komumst loksins í leikskóla og vinnu í dag, eftir hlaupabólueinangrun. Ég reyndar fékk að skreppa í Imperial College í gær til að halda fyrirlestur, en það telst varla með. Óðinn var mjög stoltur þegar hann sýndi vinunum allar bólurnar sínar. Það kom upp hugmynd um að tengja þær allar með strikum og þá myndi hann líta út eins og kóngulóarvefur... alvöru spiderman.

Ég er nú á fullu að undirbúa munnlega prófið á mánudaginn. Get ekki beðið eftir að klára það. Þau eru fjögur í dómnefndinni, hvert öðru gáfaðra. Þetta verður áhugavert. En það sagði einhver að ég ætti að líta á þetta sem tækifæri til að tala um verkefnið mitt og vinnuna mína endalaust við fólk sem yrði að hlusta á mig - hvort sem þeim langaði til eða ekki ;)

Svo er innan við vika í að Sigga sys og fjölskylda komi. Ég get ekki beðið og Óðinn er spenntur líka, þó hann kunni ekki að telja niður dagana.

Aumingja barnið mitt!

2008-03-10T14:42:00.002Z

Óðinn kom aftur heim í gærdag og ég fékk vægt taugaáfall. Hann er með svo miklar hlaupabólur að hann lítur út eins og nýreyttur kjúklingur, greyið. Hann er samt nokkuð hress, helst fúll yfir að fá ekki að fara út í óveðrið (get ekki sagt að það sé mjög slæmt hérna hjá okkur ennþá).

Hann þarf að vera heima aftur á morgun, svo það hafa staðið yfir miklar samningaviðræður til að finna út úr hver á að vera heima með hann. Ég er með fyrirlestur í háskólanum fyrir hádegi, svo pabbi hans ætlar að taka hann þá. Svo vona ég bara að hann verði orðinn nógu góður á miðvikudaginn!

Hlaupabóla, fyrirlestur og rússneskar pönnukökur

2008-03-08T16:38:00.002Z

Það er búið að vera mikið um að vera undanfarna daga. Það byrjaði með að ég var kölluð í leikskólann á fimmtudaginn vegna þess að Óðinn var kominn með hlaupabólu í annað sinn. Ég stóð í þeirri trú að það væri bara hægt að fá hana einu sinni, en fór með hann til læknis og fékk þetta staðfest. Greyjið litla. Pabbi hans bauðst til að taka hann fyrir mig á föstudaginn, því ég var með fyrirlestur á lítilli ráðstefnu. Hann er síðan hjá pabba sínum um helgina og hlýtur að vera mjög veikur, því hann vill bara fá að sofa í sófanum. Mjög ólíkt mínum gaur að vera ekki á hlaupum.

Fyrirlesturinn gekk bara mjög vel, ég fékk mjög góða krítík, svo ég er bara ánægð með það.

Í gærkvöldi var síðan pönnukökuboð hjá rússneskri vinkonu minni. Það var pönnukökuvika í Rússlandi og hún var með allskonar pönnsur: pönnsur sem eru borðaðar með kjötsúpu (Borscht), blinis, kartöflupönnukökur, sítrónupönnukökur osfrv. Þessu var svo skolað niður með vodka af ýmsum gerðum! Ég er ekki mikið fyrir sterk vín, en gerði þessu öllu ágætis skil - og er að borga fyrir óhófið í dag...!!

En, no rest for the wicked, þarf að vinna svo ég geti verið heima með kútinn minn á mánudaginn :)

Týpískur þriðjudagur

2008-03-04T22:23:00.002Z

Get ekki sagt að neitt stórmerkilegt hafi gerst í dag. Fór með Óðinn til læknis í morgun og svo í klippingu. Greyjið, hann er frekar stutthærður núna, en alltaf jafn sætur samt. Ég kann ekki alveg á hvernig á að biðja um herraklippingar - eða að rakarinn var bara alls ekki að hlusta!

Var mestmegnis inni á labba að vinna í dag og gekk ágætlega. Almannatengsladeildin í vinnunni er svo greinilega búin að ákveða að ég sé opin fyrir að kynna vísindi fyrir almenning og ég fæ endalausar beiðnir um að taka að mér nema í starfskynningar, fara í skóla að tala, osfrv. Það er mjög gaman, en líka tímafrekt, svo ég er að reyna að halda þessu í lágmarki í bili. Nóg að gera samt...

Á morgun er síðan árlegur kvöldverður skordýrafræðinga í London og ég ætla að sjálfsögðu að mæta. Þetta verður fimmta árið sem ég mæti. Þarna verður samtíningur helstu pöddufræðinga Englands, ásamt erlendra gesta. Erlendu gestirnir fá alltaf sérstaka kynningu og klapp, en það er sama hvað ég reyni, ég fæ ekki að vera útlendingur lengur.

Jæja, þá er víst best að skella sér í bað og kannski raka á sér leggina. Planið er að vera í pilsi á morgun og ég vil síður að samkomugestir flækist í lappahárunum á mér þegar þeir ganga framhjá!

Fiskabúr

2008-03-03T20:48:00.002Z

Réttið upp hendi sem haldið að mér takist að halda fiskabúri gangandi!!!

Ég á von á fiskabúri á næstu dögum og pólskur samstarfsmaður ætlar að vera sérstakur ráðgjafi í uppsetningu og viðhaldi... Hvort mér takist að halda lífi í fiskunum sem ég fæ er svo annað mál. Ég hef allavega ekki mjög gott orðspor á mér með pottablóm sem deyja hvert af öðru. Kannski Óðinn hjálpi...

Jarðskjálfti!

2008-02-27T11:10:00.003Z

Það var jarðskjálfti hérna í gærnótt. Ég vaknaði við hann, en mig var að dreyma að ég væri heima í Sandvík, svo ég hélt að skjálftinn hefði bara verið partur af draumnum. Fólk var víst frekar skelkað, enda skjálftinn yfir 5 á Richter. Óðinn svaf þetta af sér, þessi snúður, og mætti ekki fyrr en hálfátta í morgun að vekja mig - svo við vorum aðeins sein fyrir í vinnu og leikskóla. Ég ætti kannski að fara að reiða mig meira á vekjaraklukkuna, ef hann ætlar að fara að vera svona morgunsvæfur...

Halló halló

2008-02-24T23:25:00.002Z

Var að muna að ég er með þessa bloggsíðu... kannski kominn tími til að fara að láta heyra í sér aftur :)

Það er allt gott að frétta af okkur mæðginum. Ég skilaði af mér skýrslu til háskólans í lok janúar og er nú að undirbúa fyrirlestra og munnleg próf. Vinnan gengur bara ágætlega, alltaf nóg að gera. Blaðlýsnar láta ekkert sérstaklega vel að stjórn, en ég get ekki áfellst þær fyrir að gera ekki það sem ég vil. Víðitrén mín vaxa líka vel.

Óðinn er kátur. Hann fór í afmæli til vinar síns á laugardaginn. Það var haldið í húsdýragarði og krakkarnir fengu að klappa og koma við allskonar dýr, þ.á.m. hana, rottu, "chipmunk" (veit ekki hvað það kallast á íslenskunni) og kanínu. Ég var mjög stolt af Óðni, en honum tókst að sitja kyrrum í heilt korter á meðan dýrin gengu á milli krakkanna. Það hlýtur að vera met! Hann byrjar síðan á fótboltanámskeiði í apríl. Þetta er fyrir 3 - 5 ára krakka, en hann fær að vera með. Ég get varla beðið eftir að námskeiðið byrji, er viss um að honum á eftir að finnast gaman. Hann er alltaf að suða um að fá að fara í fótbolta!

In Iceland

2007-12-30T15:15:00.000Z

We´ve been very busy since arriving in Iceland on Thursday. On Friday we went round to my sister´s to distribute presents and then to see my grandma (Odinn´s great grandma) in the hospital in Selfoss. Odinn was relatively well behaved at the hospital, he did run around the corridors a bit, but fortunately it´s a small hospital and the people are very friendly. On the way back we stopped for a hot dog, which is an important part of any Icelanders life. We then drove back to Reykjavík, and when we were on the mountains, Odinn started talking about seeing rainbows. I was telling him that you couldn´t see rainbows at night when it is dark, but he was adamant that there was a rainbow, and when we started looking outside we saw that he was talking about the Northern Lights! We were also lucky in having snow here when we first arrived, so Odinn could experience snow fight. It was great fun and he was very good at throwing snow at me!
There was a big family gathering planned in Selfoss today, but it had to be postponed, due to bad weather. Unfortunately, the gales have brought lots of rain, so all the snow has melted. The weather forecast is for high winds and rain on New Year´s Eve as well, which doesn´t look good for the fireworks.

Litlu jólin

2007-12-22T22:38:00.000Z

Við Óðinn héldum litlu jólin í dag. Það var rosalega gaman hjá okkur. Við byrjuðum daginn á að fara í almenningsgarðinn hérna niðurfrá þar sem við hittum Stanley, vin Óðins úr leikskólanum og mömmu hans. Þeim finnst mjög gaman að leika sér saman, svo þeir eyddu öllum morgninum í að róla, renna sér og hlaupa um. Við komum síðan heim, fengum okkur hádegismat og svo fékk hann fyrstu jólagjöfina sína. Ég hafði heypt handa honum 12 tommu hjól, með hjálparadekkjum og Spiderman hjálm. Hann var mjög ánægður með þetta, var reyndar viss um að gjöfin kæmi frá jólasveininum, það var engin leið að útskýra neitt annað. Við skelltum okkur strax út aftur að hjóla.

Hann var mjög duglegur á hjólinu, settist bara á það og hjólaði út um allt þangað til hann var orðinn svangur og þreyttur.

Við fórum síðan heim aftur og fengum okkur crumpets og te/djús. Þá var afgangurinn af pökkunum opnaður. Óðinn var ennþá alveg viss um að þetta væru allt gjafir frá jólasveininum, það var engin leið að telja honum trú um annað. Hann er búinn að hitta jólasveininn þrisvar og það eru bara jólasveinar sem gefa gjafir að hans mati. Hann var mjög ánægður með gjafirnar sínar og talaði um þær stanslaust þangað til hann sofnaði.

Ég ákvað að elda hafa uppáhaldsmatinn hans í "jólamatinn", svo hann fékk svínapulsur (sausages, ekki venjulegar pulsur), kartöflumús með osti og lauksósu. Svo var súkkulaðikaka í eftirmat.

Takk fyrir kommentin, gaman að heyra í þér Randý!

Helgin

2007-12-16T23:09:00.000Z

Þetta er búin að vera mikil vinnuhelgi. Óðinn er hjá pabba sínum, svo það var um að gera að nota tímann vel. Ég er að vinna í stofnerfðafræði blaðlúsarinnar minnar. Þetta hefur gengið frekar hægt og ég er að keppast við að ná ákveðnum áfanga þar fyrir jól. Svo er ég líka að vinna í grein um bjöllusamfélög í skógum. Þetta er úr gögnum sem ég var að vinna í á Náttúrufræðisafninu í London áður en ég byrjaði í doktorsnáminu, þannig að það væri gott að geta klárað það fljótlega.
Það var jólaball í vinnunni í dag fyrir börn starfsfólks. Steven kom með Óðinn, sem skemmti sér konunglega. Þarna voru allir vinir hans úr leikskólanum (leikskólinn er fyrir börn starfsmanna) og þau hlupu stanslaust í hringi í þrjá tíma. Þessi hópur tveggja ára barna hafði litla þolinmæði fyrir skemmtiatriðin. Ég get reyndar alveg skilið það, fannst kallinn ekkert mjög fyndinn heldur. Í lokin kom svo jólasveinninn. Það var mjög flott, hann var í kerru sem var dregin af litlum hesti. Krakkarnir áttu varla orð yfir þessu öllu saman. Jólasveinninn kallaði þau síðan öll upp með nafni og gaf þeim pakka. Minn hljóp til jólasveinsins þegar hans nafn var kallað upp og þurfti ekkert að láta halda í hendina á sér þetta árið!

Frost og sól

2007-12-13T10:06:00.000Z

Það var alveg yndislegt veður í morgun, frost yfir öllu og ískalt, sól og engin rigning!! Við mæðgin vorum alsæl með þetta þegar við röltum í leikskóla og vinnu. Svo þegar ég kom inn á kaffistofu að ná mér í tebolla og fór að dásama veðrið, þá voru infæddir nú alls ekki á því að þetta væri gott veður. Ég hló svo mikið að þeim, alveg magnað að vilja frekar hlýju og rigningu, en sól og smá frost.

Ég var að reyna að segja Óðni frá jólagjöfum í morgun. Ég: "...og svo færðu gjafir." Óðinn: "Afi á Íslandi". Ég: "Nei Óðinn, gjafir, pakka, presents, gjafir". Óðinn: "Mamma, afi í flugvél, Ísland". Það gekk ekkert að útskýra fyrir honum hvað gjafir væri, hann heyrði bara gj-AFI-r. En við vorum allavega sammála um að fara í flugvélinni til Íslands um áramótin.

2007-12-10T22:42:00.000Z

Við fórum í ferðalag um helgina, alla leið upp til Manchester að hitta Mandy vinkonu mína og krakkana hennar. Þetta var mjög gaman. Harvey sonur hennar er tveimur vikum yngri en Óðinn og þeim finnst mjög gaman að leika sér saman - nema þegar þeir vilja leika með sama dótið... Svo á hún tveggja vikna stelpu, Hönnu, sem er algjört krútt.

Óðinn var mjög stoltur af mömmu sinni í morgun. Ég gat nefnilega klætt mig í sokkana sjálf! Honum fannst þetta mjög merkilegt og sagði "mamma is a clever boy" :)

Gluggagægir

2007-12-02T18:58:00.000Z

Ég skellti mér í jólagjafaleiðangur í gær, sem gekk bara nokkuð vel. Það vantar alveg í mig þetta kvenlega búðagen, mér leiðist frekar mikið í búðum, en ég var stolt af hversu vel þetta gekk allt í gær... þangað til ég ætlaði að finna bílinn aftur! Bílastæðið var risastórt og ég hafði ekki lagt á minnið hvar bíllinn var. Nú voru góð ráð dýr. Ég ákvað að gera þetta skipulega og labbaði fram og tilbaka að leita að bílnum. Það er alveg ótrúlegt hvað það eiga margir svona bíla. Ég náttúrulega man ekki heldur númerið á bílnum, þannig að í hvert skipti sem ég sá svona "bláan lítinn bíl" þá kíkti ég inn um rúðurnar til að athuga hvort ég sæi eitthvað af draslinu okkar þar inni. Minn bíll var sá sjöundi sem ég kíkti inn í. Ég þakka bara fyrir að það kom enginn að spyrja hvað ég væri að gera, það hefði verið frekar vandræðalegt.

En, það kom tvennt útúr þessari verslunarferð: 1) Ég ætla að versla afganginn af jólagjöfunum á netinu og fá heimsendar. 2) Ég er búin að læra númerið á bílnum mínum.

Annars er þetta búið að vera fín helgi. Óðinn er hjá pabba sínum, svo ég er búin að vinna slatta og setja upp nokkur jólaljós til að lífga aðeins upp á rigninguna.

Áfangasigur

2007-11-29T12:23:00.001Z

Óðinn borðaði fimm grænar baunir og þrjá gulrótabita í gærkvöldi!

(og ég borðaði u.þ.b. hálft kíló af grænum baunum og fimmtíu gulrætur á meðan ég var að hvetja hann til dáða)

Vísindi ... ?

2007-11-28T13:32:00.000Z

Það er ótrúlegt hvað maður leggur á sig í nafni vísindanna. Ég er búin að sitja núna í tvo tíma og tína lappir af blaðlúsum með töngum. Blaðlýsnar eru innan við 5 mm á lengd og þetta er hrikaleg nákvæmnisvinna, verra en þegar maður var að ná upp lykkjum í saum í gamla daga. Ég minnist þess aldrei að hafa togað lappir eða vængi af skordýrum sem barn og finnst hálfhallærislegt að vera að byrja á þessu núna. Málið er bara að það virðist vera of mikið af aukakvikindum í búknum á dýrunum, svo ég næ ekki hreinu blaðlúsa-erfðaefni þaðan og þess vegna er ég að standa í þessu veseni. En þetta gerir sig ekki sjálft, svo það er eins gott að halda áfram í allavega aðra tvo tíma.

Jólaball

2007-11-25T20:37:00.000Z

Við fórum á jólaballið hjá Íslendingafélaginu í gær. Þegar við keyptum lestarmiðann inn til London tilkynnti Óðinn afgreiðslumanninum og öllum í röðinni að hann væri að fara í flugvél. Aumingja maðurinn varð frekar kjánalegur, en gaf Óðni miða í litlu plastumslagi til að halda á, hann var svo stoltur með miðann sinn og hélt á honum alla leiðina. Jólaballið var mjög skemmtilegt, frábærar veitingar og gaman að hitta fólk sem ég hafði ekki séð lengi. Óðinn var rosalega spenntur. Það voru svo margir krakkar og þegar hann sá að þau voru að hlaupa um, tók hann sig til og hljóp um allt líka. Hann var kominn á algjöran yfirsnúning þegar jólasveinninn kom, svo ég ákvað að drífa mig heim, þannig að hann fékk ekkert nammi greyjið (og ekki ég heldur).

Klúður!

2007-11-20T19:25:00.000Z

Var að horfa á fréttirnar og Barnabótaskrifstofan er búin að týna diski með persónuupplýsingum um alla barnabótaþega í Bretlandi - mínum líka!!! Það er eins gott að kíkja á bankareikninginn og athuga hvort allar milljónirnar séu ennþá á sínum stað... En grínlaust, hverjum dettur í hug að senda disk með svona upplýsingum í venjulegum pósti, ekki einu sinni ábyrgðarpósti. Það er ekki eins og póstþjónustan hérna sé rómuð fyrir skilvirkni.

PS. Er búin að laga commentin, það þarf ekki lengur að skrá sig inn til að láta heyra í sér :)

Nýju fötin Óðins

2007-11-13T21:49:00.000Z

Það var mikið fjör hjá okkur um helgina. Við fórum í húsdýragarðinn, bökuðum kökur, hjóluðum í rigningunni, keyptum fullt af barnabókum á bókamarkaði og héldum vöfflupartý.

Ein bókin sem við keyptum er um Lólu sem borðar ekki grænmeti og alls ekki tómata. Þetta er nú uppáhaldsbókin hans Óðins, hann er svo hjartanlega sammála Lólu um að grænmeti sé vont - og skilur ekkert í því að hún láti á endanum plata sig til að borða svona ógeð.

Skelli inn mynd sem var tekin um helgina af mínum í nýja 66°Norður gallanum sínum. Ekta íslendingur ;)

Flugeldar

2007-11-06T23:13:00.000Z

Óðinn er mikill flugeldaaðdáandi þessa dagana. Það er alltaf brennu- og flugeldahátíð hérna 5. nóvember, til að halda upp á að einhver reyndi að brenna niður þinghúsið fyrir nokkuð mörgum árum. Ég skil ekki alveg afhverju er haldið upp á þetta með brennum, en þeir eru stundum skrítnir bretarnir (og ég ætti kannski að kynna mér söguna líka).

Nema hvað, minn maður er alveg ólmur í flugelda, þ.e.a.s. ef þeir eru í nógu mikilli fjarlægð og leikur flugeldasýningar í gríð og erg, bæði heima og í leikskólanum.

Fín helgi

2007-11-05T21:52:00.000Z

Það var nóg að gera í félagslífinu um helgina. Á föstudaginn fór rannsóknargrúppan mín út að borða og á kránna í nágrannabænum St. Albans. Þetta var mikill viðburður og nördasamkoma, enda ekki oft sem okkur er hleypt öllum í einu út úr tilraunastofunni.

Ég eyddi síðan helginni í London, fór í leikhús, í Tate Modern að skoða tilbúna jarðskjálftasprungu og kíkti í kaffi í kjallaranum á St. Pauls kirkjunni.

Jemma og Nick kíktu svo í kaffi í gærkvöldi. Þau bjuggu í Ameríkulandi í nokkur ár og ferðuðust mikið um þar. Ég var svo spennt yfir öllum ferðasögunum að nú er planið að fara í frí þangað, leigja sér risastóran amerískan húsbíl (svo Óðinn geti leikið sér afturí) og fara á rúntinn. En fyrst þarf ég væntanlega að skrifa breska rannsóknarsjóðnum og biðja um launahækkun!

Grímuball

2007-10-29T21:17:00.000Z

Hey hó

Ég var með barnapíur á föstudaginn og skrapp á Hrekkjavökuball. Ég fékk búning lánaðan hjá vinkonu minni og það fylgdi með andlitsmálning. Óðinn var mjög hissa þegar ég byrjaði að mála á mig andlitið og er ennþá að tala um þegar mamma var "tiger".

Bara að taka fram að blómaskreytingin var ekki hluti af búningnum! Það var mjög gaman á ballinu og flott að fá að sofa út líka... ;)

Barnapíur ;)

2007-10-26T15:08:00.000+01:00

Mamma og pabbi komu í heimsókn í gær. Óðinn var mjög kátur og má ekki af afa sínum sjá. Ég ætla síðan að nýta mér þetta og skreppa á grímuball í kvöld, er búin að fá lánaðann þennan fína tígrisdýrabúning, með rófu og allt.

Airbrushed Óðinn!

2007-10-24T23:16:00.000+01:00

Það var myndataka í leikskólanum hjá Óðni í gær. Þetta er árlegur viðburður til að hjálpa manni við að losna við peninga ... maður getur náttúrulega ekki látið myndir af barninu sínu liggja ókeyptar. Nema hvað, minn maður datt af hjólinu á föstudaginn og var enn með marblett og hrúður á miðju enninu, svo ljósmyndarinn bauðst til að laga það á myndunum. Alveg eins og alvöru fyrirsæta.

Það væri nær að ég fengi smá aðstoð við að laga myndir af mér...

Góð mamma

2007-10-22T21:21:00.000+01:00

Óðinn var mjög ánægður með mömmu sína í kvöld. Ég keypti handa honum sængurver með myndum af Tomma togvagni og minn hefur aldrei verið eins fljótur að fara að sofa! Nú liggur hann steinsofandi og faðmar sængina og Tomma sinn. Sætt.

Nöldur

2007-10-20T14:55:00.000+01:00

Ég þarf nauðsynlega að fá útrás fyrir smá nöldur og þar sem það er enginn nálægt þá geri ég það bara hér í staðinn.

Málið er að ég mætti hér galvösk í vinnuna á hádegi og er að semja fyrirlestur sem ég á að halda hér á rannsóknarstöðinni á fimmtudaginn. Það er svo sem ekkert merkilegt við það, nema að þegar maður er að vinna utan "venjulegs" vinnutíma, þá þarf maður að skrá sig inn í sérstöku forriti í tölvunni. Þar setur maður inn hver maður er, hvar á stöðinni maður ætlar að vinna og hvenær maður ætlar heim. Ekkert mál. Nema hvað að þegar maður er búinn að þessu, þá birtist stór klukka neðst hægra meginn á skjánum og byrjar að telja niður! Og það er ekki hægt að slökkva á henni! Þetta er alveg hrikalega pirrandi!!! Ég ætlaði að vinna í sex tíma og fara svo kannski að hitta vini og horfa á úrslitin í rúgbí heimsmeistarakeppninni, en það er bara ekki vinnufriður fyrir þessari helv klukku! Maður fær í magann í hvert skipti sem maður lítur á hana, líður eins og maður hafi ekki áorkað neinu, þegar sekúndurnar teljast niður hver af annarri og allt í einu á maður minna en þrjá tíma eftir í vinnunni.

Ég geri mér grein fyrir að það er pínulítið fáránlegt að vera að ergja sig á þessu, en hin hliðin á vandamálinu er að klukkan hylur skjáinn neðst hægra megin, svo ég get ekki flett skjölum venjulega heldur.

GGGGRRRRRRRR! Ógeðslega pirruð!

Líður samt betur eftir að hafa komið þessu frá mér :)

2007-10-10T22:08:00.000+01:00

Það er meira hvað ég er búin að vera löt við að skrifa á þessa síðu. Kenni önnum um, en maður getur nú alltaf fundið smástund hér og þar.

Við mæðgin skruppum í leyniferð til Íslands um daginn. Þar voru mikil veisluhöld, afmæli og skírn, og við komum bæði talsvert mýkri tilbaka til Englands.

Óðinn er hress. Við keyptum dvd með Samma brunaverði og hann horfir á hann stanslaust - nema þegar Tommi togvagn kemst í spilarann. Hann er búinn að læra hvernig á að skipta um disk, þannig að ég hef engin völd.

Ég er á fullu í útivinnu. Þarf að ná gögnum áður en víðirinn fellir laufin og blaðlýsnar hverfa. Þetta getur verið mjög spennandi, sérstaklega eins og í dag þegar ég kraup óvart á geitungi. Hann var sem betur fer of sljór til að stinga mig greyjið.

Tengd við umheiminn aftur...

2007-09-18T23:12:00.001+01:00

Nú er ég flutt og loksins búin að fá internetið tengt. Bretar eru yndislegt fólk, en stundum taka hlutirnir svolítið langan tíma. Það tók tvær vikur að fá símann fluttann og mánuð að tengja internetið... en svona er það bara.

Við mæðgin erum bara nokkuð hress, það er alltaf jafn gaman hjá Óðni, alltaf á fullu og á fullt af vinum í leikskólanum. Það er nóg að gera hjá mér líka.

Reyni að skrifa meira fljótlega...

Flutningar

2007-08-16T11:23:00.000+01:00

Við erum búin að fá lyklana að nýja húsinu og erum byrjuð að flytja dótið okkar yfir. Þar sem húsið er alveg við hliðina á vinnunni, tek ég nokkra kassa með á hverjum degi. Fólkið á rannsóknarstöðinni fer ábyggilega að halda að ég búi í bílnum, einn daginn eru dótapokar í sætunum og næsta dag er sængunum troðið í framsætið... Ég er síðan búin að leigja sendiferðabíl og húsgögnin verða flutt á laugardaginn.
Óðinn er mjög hrifinn af nýja húsinu og sérstaklega stiganum og garðinum. Ég hlakka líka mikið til að flytja.

Allt á fullu!

2007-08-01T18:04:00.000+01:00

Það er nóg að gerast hjá okkur að venju. Óðinn er búinn að vera í sumarfríi með pabba sínum síðan á föstudag, hann kemur heim í kvöld. Við förum síðan til Íslands á föstudagskvöldið! Ég hlakka mikið til að hitta fjölskyldu og vini, hef ekki komið heim síðan um jól, alltof langur tími. Nú svo erum við að fara að flytja aftur, í lítið sætt hús alveg við vinnuna. Ég nenni engan veginn að flytja í þriðja skiptið á einu og hálfu ári, bölva öllum bókunum mínum í hvert sinn sem ég flyt, og alltaf bætist í bunkann. Svo bætist núna við ótrúlegt magn af leikföngum, en sem betur fer eru þau ekki mjög þung! En ljósi punkturinn er að þetta er mjög fínt hús og það verður frábært þegar við erum búin að koma okkur fyrir á nýja staðnum.

Kjötsúpa

2007-07-22T23:03:00.000+01:00

Ég gleymdi að segja ykkur frá því sem gerðist á ráðstefnunni sem ég var á í Edinborg um daginn. Ráðstefnugestum var boðið í veglegan kvöldverð eitt kvöldið og í forrétt var ekkert annað en dýrindis kjötsúpa! Ég trúði varla mínum eigin augum og/eða bragðlaukum, súpan var nákvæmlega eins! Þeir kalla hana kindasúpu (soup of mutton). Þegar ég fór að tala um þetta við hina innfæddu, þá kom í ljós að það er margt líkt með matarvenjum skota og íslendinga... vona bara að ég sé ekki sú eina sem hafi ekki vitað þetta. Annars var þetta fín ráðstefna. Því miður var lítill tími til að skoða borgina, en það sem ég sá leist mér mjög vel á, svo maður verður að kíkja þangað aftur við tækifæri.

Húsdýragarður

2007-07-22T22:11:00.001+01:00

Við Óðinn fengum okkur ársmiða í húsdýragarðinn í dag. Þeir eru með allskonar dýr, hoppukastala, trampólín, hringekjur og leiksvæði. Óðni finnst mjög gaman að hoppa í kastalanum og á trampólíninu og lætur alltaf fylgja með hljóð... boing boing boing, me hoppa now!

Það var frekar erfitt að ná kengúrubarninu í mynd:

Tveggja ára!

2007-07-19T21:42:00.001+01:00

Þá er strákurinn orðinn tveggja ára!

Hann var mjög ánægður með kökuna og pakkana.

Takk fyrir okkur...

2007-07-07T23:05:00.000+01:00

Ég fékk bréf í póstinum í dag frá Tesco sem er kannski ekki í frásögur færandi, nema hvað þeir virðast hafa gert smá mistök. Þetta var hluti af markaðsátaki hjá þeim og þar sem ég er með "vildarkort" hjá þeim senda þeir manni öðru hverju auglýsingar eða prufur sem þeir halda að maður hafi gagn og gaman af. Nema hvað, í dag fékk ég glænýja "Gillette Fusion", fimm blaða karlmannsraksköfu með bartskera! Þar sem þeir nota upplýsingar um hvað maður hefur verslað í búðinni til að ákveða hvaða glaðning þeir senda manni veit ég ekki alveg hvernig ég á að taka þessu. Annaðhvort hefur einhver starfsmaðurinn talið að ég væri óeðlilega loðin í framan og ákveðið að setja mig á útsendingarlistann, eða að þeir halda að Óðinn sé svona þroskaður eftir aldri!

... eða kannski eru þeir að benda mér á að ég eigi að fara að gera eitthvað í þessu karlmannsleysi ;o)

Dýragarður

2007-07-06T21:57:00.000+01:00

Við stelpurnar í mömmuklúbbnum mínum hittumst með krakkana í Whipsnade dýragarðinum í dag, í tilefni af því að þau eru öll að verða tveggja ára. Það gátu sjö af níu stelpum mætt með krakkana og það var mjög gaman. Við eyddum öllum deginum í að skoða dýrin, fara með krakkana í leiktækin og fara í lestarferð um garðinn. Þetta var bara alveg frábært - og rosalega gott að sjá að það eiga fleiri börn sem stoppa aldrei....!

Viva

2007-07-05T11:54:00.000+01:00

Ég fór í fyrsta viva´ð (munnlega prófið) á þriðjudaginn og gekk ágætlega, umsögnin frá prófdómurunum var allavega góð, svo ég verð ekki rekin í bili ;)

Við Óðinn erum í fríi á morgun og ætlum að fara að hitta alla krakkana í mömmuklúbbnum mínum, þau eiga öll afmæli núna, svo það er búið að plana afmælisferð í dýragarðinn. Ég vona bara að það rigni ekki á okkur...

Bilað epli!

2007-07-02T13:56:00.000+01:00

Óðinn vildi endilega fá epli eftir morgunmatinn í morgun. Hann borðar ekki epli frekar en aðra ávexti, en ég lét hann hafa eitt epli til að athuga hvað myndi gerast. Hann reyndi að naga það í nokkrar mínútur, en náði ekki að bíta í gegnum skinnið, svo hann rétti mér það aftur og sagði að það væri bilað!

Sniðugur strákur

2007-06-27T21:30:00.000+01:00

Óðinn var kominn upp í rúm í gær og ég var í næsta herbergi að brjóta saman þvott og að dást að því hversu duglegur hann væri að fara sjálfur að sofa, bara tveggja ára. Þegar ég er síðan búin að brjóta saman þvottinn og sný mér við, sá ég að hurðin inn í herbergið hans var opin - þá hafði minn maður læðst fram í stofu og var að horfa á sjónvarpið. Það vantaði bara kók og snakk og minn hefði verið alsæll!

Annars er allt gott að frétta. Ég er búin að skila af mér fyrsta árs skýrslunni og fer í munnlegt próf í næstu viku. Svo fer að koma að stórafmæli hjá sumum ... 2. ára!

Myndir úr fríinu

2007-06-17T22:12:00.001+01:00

Beðið á flugvellinum

Óðinn í golfi með afa sínum

Rosa gaman í sundlauginni

Ninished

2007-06-15T21:04:00.000+01:00

That´s it, holiday "ninished", as Odinn says. We´re flying to England tomorrow evening. It´s been a great trip, Odinn loves the pool and beach - is still adamant they are puddles. Think I´ll have to start taking him to the swimming pool at weekends now. He´s not so hot on eating out, sitting still is not really something he´s good at, but he was getting better at it. He´s taught my parents and niece lots of English, and we´re all speaking Ice-lish now - a blend of English and Icelandic, just like he does. He´s walked so much in the past two weeks that his pot-belly has disappeared, and I´m now worrying he´s getting too thin! Anyways, that´s it in English for now, back to Icelandic when I get home. Bye for now.

Cake ban!!!

2007-06-14T13:48:00.000+01:00

Odinn is a lot better behaved today. My parents have been banned from giving him anything he asks for, especially cakes...! He wasn´t happy this morning, but has accepted it.
Going down to the beach to try to catch some fish.

oh no!

2007-06-13T19:20:00.001+01:00

Have just had the most embarrassing experience. Odinn was really badly behaved at a restaurant and I´m completely mortified. Fortunately I wont see any of these people again in a few days time!
Otherwise a good day. We went down to the beach this morning and tried catching some fish to look at, but being the most rubbish biologist around I couldn´t catch any, so Odinn just went and helped the life guard wash his boat instead. After lunch we went for a walk and got a ride on a "train" (train like car with lots of carriages). That went down really well and he was talking about it for hours afterwards.
Had decided all those gimmicks were not for me, but have spent more money on all sorts of cars, bikes, planes and helicopters, than on anything else this trip... whatever makes him happy basically...

Still warm here!

2007-06-12T17:09:00.000+01:00

Another busy day. Been to the zoo/farm and Odinn loved the animals. Walked up to more monuments, he was the only one of us that ran and jumped everywhere. The rest of us were sweating and panting ... he´s also getting very brown, much darker than me. Session up, more later...

Even warmer...

2007-06-10T18:45:00.000+01:00

Yesterday we went to see the islands prehistoric monuments... well a few of them. Odinn climbed into an excavated mass grave (dating from about 1000 bc) and walked all around a huge quarry.
We went to the only golf course on the island today. It was great. Mum and I had never been, so we only went to the driving range and learned to use the clubs. I managed to hit a ball over 60 metres and can see now why it becomes addictive. Odinn thought it was great fun and after watching dad, swung the clubs round in circles and managed to hit me on the shin - it really hurt! Dad helped him hit the ball a few times and he thought it was great fun. We were there over two hours and he shot, threw and kicked the balls and then practised his putting as well.
Odinn also likes chinese food. We´ve been twice, as there is a lovely chinese just around the corner, with fantastic food and service, and he slurps it all up, especially the noodles.

Hot hot hot

2007-06-08T20:35:00.000+01:00

It´s completely baking here now. Odinn doesn´t seem too bothered by it, but the rest of us are really feeling it. He´s getting very good at going out to eat and always starts by ordering his own apple juice before anyone else can get a word in. He then wants ice cream to finish!
I took him to a place called Aquapark today, with water slides and bouncy castles. He was quite interested in the slides, until I was halfway down a little one, when he decided he didn´t want to do it anymore. Not my finest hour trying to push myself and him down a practically horizontal slide, with him screaming, trying to climb over me and get back out the wrong way ... he still wanted another go, and the same thing happened, so I gave up on that idea. We then went to the bouncy castles, and the only thing he found fun there was the trampoline! It was hilarious watching him jump on this huge trampoline and he loved it. After that mum and dad took him away, so Gudrun Sunna and I could go on the proper slides. We had a great time, so much so that I forgot to put suncream on and am a little more than a little red! It´s allright though, we´re hiring a car tomorrow and going exploring, so we´ll not be in the sun much.

no holiday pics

2007-06-06T21:02:00.001+01:00

Sorry, can´t upload pictures on these computers :( Had some great shots ... was snapping away on the beach today, only realising afterwards that in most of the shots of Odinn, there was a topless woman as well!
Anyways, great trip, we´re all having fun. Odinn went through a brief spell of "terrible two´s" yesterday, but is back being himself today. He loves the sea, he calls all water "puddels" and nothing I say will make any difference. Mum and dad are taking him for walks in the mornings, so I can have time to myself. He´s enjoying all the attention and has finally realised waht shops are for! Now he´s demanding toys in every shop we enter...
Right, there is a queue for the computers, so will leave it there for now.
Gx

Sumar og sol

2007-06-05T20:13:00.000+01:00

Hallo fra Menorca

Vid komum a laugardaginn og thad er bid a vera mjog fint. Hotelid er alveg agaett, sundlaugin og allt umhverfid er bara edalgott. Thad er lika agaett ad thad er allt fullt af fjolskyldufolki, svo laetin i Odni koma engum a ovart. Hann er mjog anaegdur med thetta, finnst laugin frabaer thegar hann er kominn yfir hvad hun er kold. Vid Gudrun Sunna forum i vatnaleikfimi i gaer, mjog duglegar. Vid kiktum i bae sem heitir Ciutadella i dag, voda saetur litill baer. Annars er thatta bara tom slokun, bara eins og thad a ad vera :0)

Fer í fríið!

2007-06-01T22:01:00.000+01:00

Mamma, pabbi og Guðrún Sunna komu í dag og svo fljúgum við öll í fríið á morgun. Ég fékk þennan líka fína harðfisk, hangikjöt, pítusósu og nammi sent frá ömmu. Þetta bíður allt eftir mér þegar við komum tilbaka. Namm.
Óðinn er algjör afastrákur og var með þvílíka sýndarmennsku hérna í kvöld, hoppaði og skoppaði um allt.
Þarf að klára að pakka - reyni að skrifa eitthvað við tækifæri í fríinu, en ef ekki þá verð ég hér að tveim vikum liðnum.

Meiri ísl-enska

2007-05-27T22:36:00.000+01:00

Ísl-enskan hjá Óðni er alveg frábær! Hér er nýjasta dæmið: Spider-ló = kónguló.

Chickenpox = hlaupabóla?

2007-05-24T22:55:00.000+01:00

Nú er Óðinn greyjið kominn með hlaupabólu. Þær hringdu úr leikskólanum í dag og sögðu að hann væri komin með bólur á magann, svo ég þyrfti að sækja hann strax. Hann er mjög stoltur af þessum bólum og er endalaust að draga upp bolinn og sýna bólurnar á maganum. Við fórum til læknis og fengum staðfest að hann væri veikur, þannig að við verðum heima næstu daga. Ég fór í apótekið og keypti upp lagerinn af kremum og smyrslum til að koma í veg fyrir kláða. Þetta virðist reyndar ekki trufla hann mikið ennþá, sem betur fer. Ég vona bara að hann verði orðinn hress þegar við förum í fríið langþráða eftir rúma viku!

Grænmetis- og ávaxtastríð

2007-05-22T22:57:00.000+01:00

Það er magnað hvað Óðinn er þrjóskur. Hann alveg harðneitar að borða grænmeti og ávexti að undanskildum bönunum, sem honum finnst góðir. Ég er búin að prófa allt til að koma grænmeti ofan í hann, hrátt, soðið, maukað í súpur, skera í stóra bita, litla bita, bita sem eru í laginu eins og geimverur, lestar og eða Bubbi byggir. Það er sama saga með ávextina, hef prófað allar gerðir og stærðir. Reyndi að fela bitana í ís og súkkulaðisósu, en hann spýtir öllu útúr sér. Ég prófaði meira að segja ráðið frá henni systur minni að mauka þá og búa til frostpinna, en hann sagði bara "oj - mamma eat it!" á ísl-enskunni sinni. Við erum samt bæði jafn þrjósk, svo ég er ekkert að gefast upp. Þurfti bara aðeins að koma þessari frústrasjón frá mér.

Bland í poka

2007-05-20T22:56:00.000+01:00

Það er orðið frekar langt síðan ég skrifaði síðast. Það er mikið að gera í vinnunni við rannsóknir og skýrsluskrif, en það er engin afsökun...

Það merkilegasta sem gerðist í síðustu viku var að sjálfur David Attenborough kom upp í vinnu og var að mynda skordýragildrur. Ég hitti hann því miður ekki, en sá átrúnaðargoðið í gegnum gluggann og fór síðan ásamt nokkrum starfsfélögum upp á þak að fylgjast með kvikmyndagerðinni.

Það var síðan foreldrafundur hjá mér í leikskólanum. Ég var frekar stressuð, leið eins og ég væri að fara í próf og að leikskólakennarinn hans væri að fara að dæma hæfileika mína til að vera foreldri. Þetta voru óþarfa áhyggjur og gekk allt vel, Óðinn er mjög duglegur og félagslyndur, svo þetta er allt í góðum málum.

Nú, svo var ráðstefna á fimmtudag og föstudag í vinnunni, þar sem allir doktorsnemarnir kynntu verkefnin sín. Ég var með veggspjald til sýnis eins og allir hinir fyrsta árs nemarnir. Þetta gekk bara vel og það var ágætt að fá smá pásu frá rannsóknarstofunni og skriftum, hitta hina nemana og sjá hvað aðrir eru að vinna við.

Helgin fór síðan í meiri vinnu og smá verslunarleiðangur. Ég er búin að kaupa svo mikla sólarvörn fyrir væntanlega sólarlandaferð að ég verð ábyggilega með yfirvigt bara af henni. Svo keypti ég blátt sólarvarnarstifti sem á að vera voða gott á andlit á börnum - aumingja Óðinn verður blár í framan í tvær vikur. En, við ættum allavega ekki að brenna...

Evróvisjón update

2007-05-14T22:55:00.000+01:00

Partýið á laugardaginn heppnaðist bara vel. Ég átti reyndar ekki von á hvað bresku vinir mínir tóku þetta allt alvarlega, sérstaklega stigagjöfina... hahaha. Það gekk ekki mjög vel hjá bretum þetta árið! Þau voru mjög hrifin af veitingunum, höfðu aldrei smakkað ostasalat eða túnfisksalat með eggjum og lauk ... hér er bara sett maískorn í túnfisksalatið. Óðni fannst líka rosa gaman að fá allt þetta fólk í heimsókn og var í essinu sínu. Skammtaði fólki snakk úr skálunum (það sem ekki hvarf ofan í hann sjálfan) og þurfti að sýna öllum allt dótið sitt og stígvélin.

Mini me!

2007-05-10T16:39:00.000+01:00

Óðinn er farinn að herma allt eftir mér. Ég athuga alltaf hvort það sé slökkt á öllu áður en ég fer út á morgnana. Í morgun, þegar ég var búin að klæða hann í skóna og jakkann og var að leyta að bíllyklunum, ákvað hann að tékka á þessu fyrir mig og labbaði úr einu herbergi í annað og sagði: slökkt, slökkt, slökkt - alveg eins og ég geri alltaf. Svo mikil dúlla, ég var í algjöru kasti.

Evróvisjón

2007-05-09T20:48:00.000+01:00

Það verður Evróvisjón vaka hjá okkur frænkunum annaðkvöld. Ég ætla að fara yfir til Auðar með guttann og svo hvetjum við Eirík áfram.
Það er eins gott að hann komist í úrslitin. Ég er búin að bjóða nokkrum vinnufélögum í heimsókn að horfa á aðalkeppnina og hef verið með heldur stórar yfirlýsingar um að við vinnum ábyggilega í ár!

Óðinn sæti

2007-05-09T20:34:00.000+01:00

Minn maður að leika sér að bílunum, allir í röð :)

Nú er maður kominn með stóru stráka rúm. Hann lærði að klifra upp úr rimlarúminu um helgina, svo ég verslaði fyrir hann rúm. Þetta er alveg ágætis rúm, hann var svo órólegur í gærnótt að ég endaði á að sofa mestalla nóttina uppí hjá honum...

Vinnumaraþon framundan

2007-05-04T16:27:00.000+01:00

Það er löng helgi hjá bretum þessa helgina, sem þýðir að það verður frí á mánudaginn. Óðinn er farinn með pabba sínum í bústað, svo ég stefni á vinnumaraþon við skýrsluskrif og er búin að vera að undirbúa það í allan dag. Ég tæmdi hillurnar á bókasafninu og er með svo margar greinar til að lesa að ég held þetta komist ekki allt í bílinn. Síðan er stefnt í búðina til að kaupa allt sem mér þykir best að borða og drekka. Að lokum fer ég heim, læsi mig inni og verð í sjálfskipaðri einangrun fram á mánudagskvöld... Nema náttúrulega ef eitthvað skemmtilegra býðst!

Það á að sýna "The Queen" í kvikmyndaklúbbnum í vinnunni í kvöld, svo ég ætla að skella mér að sjá hana.

Nú eru góð ráð dýr!

2007-05-01T21:53:00.000+01:00

Pítusósan er búin!

Við erum bæði háð því að fá pítu í matinn reglulega og píta er ekki píta nema til sé pítusósa. Ég sé bara tvo möguleika í stöðunni. Annaðhvort verð ég að skrifa manneldisráði breta og biðja um að hún verði sett í framleiðslu hér, eða ég verð að skreppa til Íslands að ná í brúsa. Það væri reyndar ágætishugmynd, því íslenska nammið er líka búið. Það væri kannski ráð að einhver af þessum íslensku viðskiptajöfrum sem alltaf er verið að fjalla um hérna setti upp sjoppu í London með íslensku góðgæti. Ég er viss um að það vekti mikla lukku - og þá gæti ég kannski fengið malt og appelsín líka.

Alþjóðleg hátíð

2007-04-29T22:22:00.000+01:00

Það var alþjóðleg hátíð hjá starfsmannafélaginu í vinnunni í dag. Það er mikið af erlendum vísindamönnum og konum sem vinna á rannsóknarstöðinni og árlega er haldið hlaðborð þar sem fólk kemur með rétt frá sínu heimalandi til að deila með öðrum.
Ég bakaði kanilsnúða, en hætti snarlega við að fara með þá, þar sem þeir voru harðir eins og grjót. Ég átti sem betur fer smá söl og harðfisk sem ég fór með í staðinn. Það fannst mörgum sölin ágæt, en harðfiskurinn fékk misjafnar viðtökur. Flestum fannst hann frekar seigur!
Ég smakkaði á flestum réttunum. Þarna voru til dæmis trésveppir og dömplingar frá Kína, tómatsalat frá Chile, hrísgrjónaréttur og fiskréttur frá Ghana, grænmetisréttir frá Indlandi, kartöfluréttur frá Suður Afríku og kjúklingaréttur frá Spáni. Síðan voru eftirréttir allsstaðar að líka. Þetta var alveg frábært og gaman að hitta alla og smakka á og spjalla um matinn. Óðinn var heldur var um sig og neitaði að smakka á flestu, en ég fæ hann kannski til þess að prófa fleira á næsta ári!
Myndin af Óðni er tekin í túninu á bakvið félagsheimilið í vinnunni.

Takk

2007-04-23T22:36:00.000+01:00

Langaði bara að segja "takk" fyrir kveðjurnar sem við fáum frá ykkur, gaman að vita hverjir kíkja á okkur mæðgin.

Stór strákur og hlífðargleraugu

2007-04-23T22:12:00.000+01:00

Jæja, þá er litla barnið mitt að verða fullorðið! Ég fór með hann í klippingu á föstudaginn. Hann var svo stilltur þessi elska, sat alveg grafkyrr í korter á meðan var verið að klippa hann. Nýjasta æðið er að leika sér að bílabraut sem ég keypti handa honum. Hann getur meira að segja sett hana saman. Ég bara trúi varla hvað hann er að verða stór!

Ég fór til tannlæknis í dag, sem er varla í frásögur færandi. Tannlæknirinn ákvað að skipta um fyllingu sem henni fannst vera orðin frekar þreytt. Ég hef alltaf verið mjög tannlæknafælin og leist alls ekki á blikuna þegar hún skellti á mig hlífðargleraugum. Þegar ég spurði til hvers ég þyrfti þau sagði hún að þetta væri "öryggisatriði". Það lá við að ég fengi taugaáfall. Ég sá hana fyrir mér ráðast til atlögu og spóla niður tennurnar eina af annarri og að þetta yrði meiriháttar blóðbað. Betur fór þó en á horfðist og þegar ég leit í spegilinn eftir á voru allar tennurnar til staðar, ég var reyndar með dofna vör og tungu og slefaði smá, en það er ekkert óvanalegt...

Góð helgi

2007-04-23T00:08:00.000+01:00

Þetta er búið að vera hin fínasta helgi, mjög afslappað. Ég skrapp á kránna með vinnufélögunum á föstudagskvöldið eftir vinnu, sem var mjög fínt. Síðan fór ég á The Comedy Store, uppistandsklúbb í London, í gærkvöldi og held ég hafi hlegið stanslaust í tvo klukkutíma. Þetta var alveg frábært og ég er með harðsperrur í hláturvöðvunum í dag.
Nú er ég á fullu að vinna. Ég þarf að skila inn efni á veggspjald fyrir ráðstefnu á morgun. Síðan koma fulltrúar af ráðstefnu bresku konunglegu vísindaakademíunnar um gróðurhúsaáhrif í heimsókn til rannsóknarhópsins míns á miðvikudaginn. Þau koma til með að fara um og kynna sér það sem við erum að gera og ég á meðal annarra að segja þeim frá rannsóknunum mínum. Mjög spennandi!

"Íþróttastjarna"

2007-04-17T22:21:00.000+01:00

Hey! Ég skoraði tvö mörk í snertirúgbíinu í dag og er alveg ótrúlega stolt! Það er ekki ljóst hvort það var gamli aerobic gallinn eða mínir sjálfslýsandi hvítfjólubláu leggir sem rugluðu andstæðingana í ríminu, en það skiptir ekki máli, ég náði að skora :)
Nú bíð ég bara eftir að atvinnuliðin byrji að bjóða í mig...

Mamma pumpa

2007-04-16T22:03:00.000+01:00

Óðinn er búinn að læra nýtt orð og notar það óspart þessa dagana. Ég vissi ekki að prumpubrandarar væru fyndnir hjá svona ungum börnum og sé nú fram á þetta verði margra ára fyndni. Hann hefur sem sagt sjálfskipaða tilkynningaskyldu ef honum eða öðrum verður á að leysa vind ... sem betur fer skilur þetta enginn hérna og ég ætla ekkert að kenna honum ensku útgáfuna!

Það er annar í snertirúgbí á morgun. Ég gleymdi að kaupa nýjan íþróttagalla um helgina, svo ég verð bara í hallærislegum aerobic fötum frá áttunda áratugnum, með sjálflýsandi ennisband, grifflur, legghlífar og allt. Planið er að lama andstæðingana úr hlátri, svo ég nái að skora allavega eitt mark.

Sumar og sól

2007-04-15T23:10:00.000+01:00

Það er búið að vera mikil blíða hjá okkur um helgina, algjört sólarstrandaveður. Við vorum bara í rólegheitunum, fórum út að hjóla og kíktum til Auðar, en hún var með þessa fínu vaðlaug úti í garði. Minn var rosa ánægður að fá að sulla smá...